DAVAO CITY – Sunod-sunod karun ang gilusad nga operasyon karon sa otoridad batok sa mga indibidwal nga nalambigit sa ginadili nga druga.
Kahinumduman nga girumbo sa mga sakop sa Davao del Sur Provincial Office sa Philippine Drug Enforcement Agency Regional Office XI kaabag ang Davao del Sur Police Provincial Office ug Digos City Police Station ang usa ka drug den sa Purok Kalingkatan, Sitio Punta Biao, Barangay Cogon, Digos City, Davao del Sur.
Gikanayong subject sa operasyon ang usa ka Julamen Abtaral alyas Gaw kinsa nakaikyas human nasayran nga pasulod na ang mga sakop sa kapulisan.
Apan naabtan atol sa operasyon ang lima ka mga drug den visitors nga nagpahigayon ug shabu pot session nga nailang sila si Alvie Sapie, Ernie Sapie, Jimmy Sapie Abdulamid Ali ug Nevo Sahiron.
Narekober gikan kanila ang lima ka mga pakete sa ginadili nga druga nga mutimbang ug kapin kun kulang 17 ka gramos uban ang street value nga P255,000, pipila ka mga pakete sa shabu ug nagkadaiyang drug paraphernalia nga narekober sab atol sa operasyon.
Sumala pa kang Aileen Lovitos, Regional Director, PDEA Regional Office XI, pasakahan ang mga nahisgutan ug kasong paglapas sa Republic Act 9165 o mas nailang Comprehensive Dangerous Drugs Act of 2002.
Susama karon nga gipangpaslak sa presohan ang mga nahisgutan alang sa tukma nga disposisyon.
