Nakulgot ang daghanang motorista sa Doña Asuncion, Sasa ning dakbayan human sa gikatahong bomb threat sa usa ka concerned citizen.
Apan, sa nahimong pakighinabi sa Bombo Radyo Davao ngadto na sa Sasa Police Station, ilang gikumpirma nga walay bomba sukwahi sa unang gikatahong report.
Dugang pa sa maong buhatan nga dunay mga identification cards nga nakita sulod sa sakyanan nga iya matud pa sa usa ka personahe sa military ug armas, apan di matud pa nila kini matino gumikan wala pay mi-claim sa sakyanan.
Sa pakighinabi sab sa otoridad ngadto sa usa ka indibidwal, pasado alas 5 sa buntag ning adlawa, Agosto 16 ning tuiga, nakit-an matud pa sa usa ka lalaki nga mikanaog ang driver sa iyang sakyanan nga gibilin sa tunga sa kalsada aron mangihi, apan wa na matud pa kini nibalik rason nga gilayong nagkaguliyang ug nanawag og pulis.
Sa karon, anaa na sa Sasa Police Station ang sakyanan ug nagpaabot sa tag-iya niini.
