DAVAO CITY- Nadakpan ang gikonsiderang High Value Individual human sa gikasa nga drug buybust operation sa mga operatiba sa Ecoland PNP kagabii.
Subay sa report sa kapulisan gawas sa pagka-HVT anaa sab kini kauban nga anaa sa ikaunom nga pwesto sa listahan sa kapulisan dinhi sa dakbayan nga tigpayuhot ug iligal nga droga.
Giila ang mga dinakpan nga si alias “Sally” 45-anyos, walay trabaho nga residente sa Prk. Caimito Sto. Nino, Poblacion, Davao City ug ika-unom sa city Level samtang kaipon niini nga si JERRY 36-anyos, usa ka drayber nga residente sa Guerrero St. ning dakbayan sa Davao.
Sumala pa sa mga operatiba nga gilusad ang operasyon sa Room No. 28, Princess Inn, Dacudao, Agdao Dist. ning syudad pasado alas otso kagabii.
Narekober sa mga dinakpan ang mga nagkadaiyang pakete sa iligal nga droga kon shabu nga sa kinatibuk-an adunay kantidad nga Php 72,896 nga standard drug price.
Narekober sab sa mga nahisgutan ang mga drug paraphernalia sama sa glass tube tooter,disposable lighter, improvised aluminum foil nga gigamit isip tooter.
Samtang narekober sab ang buybust money nga gigamit sa transaksyon.
Sa karon ang mga dinakpan ang anaa na sa kostudiya sa Ecoland Police Station ug gikatakda kini nga pasakahan ug kaso karong adlawa nga pagsupak sa RA 9165.
