DAVAO CITY – Nangayo ug dugang pasensya sa mga motorista si DPWH 11 Spokesperson Dean Ortiz tungod sa gilaumang traffic congestion sa mga kadalanan sa Ma-a ug C.P. Garcia highway tungod sa nagpadayong construction sa ipatukod nga Maa flyover nga kasamtangang anaa sa initial phase.
Gibutyag sab ni Ortiz nga mahisusama sab ang kadugayon sa pagbuhat sa Tagum City Flyover sa Davao del Norte ang mamahimong duration sa civil works alang sa mga flyover sa Ma-a ug Ulas ning dakbayan.
Gisugdan ang Tagum City Flyover, nga pinakataas nga flyover sa tibuok Mindanao, niadtong 2017 ug natapos niadtong 2021.
Samang gianunsyo ni Ortiz nga pagaablihan na sa publiko sa ikaduhang bahin sa tuig 2023 ang unang bahin sa Davao Coastal Bypass Road gikan Bago Aplaya paingon Tulip Drive.
via || Bombo LJF
