Target karon sa Department of Tourism Davao nga malabwan pa ang tourist arrival sa Davao Region karong tuiga.
Sumala pa ni DOT XI Regional Director Tanya Rabat-tan, dakong posibilidad ang pagdugang pa sa ihap sa mga turistang boot mobista sa syudad gumikan sa mga ginatanyag nga aktibidad.
Sa datos sa maong buhatan 3,228,035 ka mga turista ang nakabisita sa Davao Region sa nakalabay nga tuig diin 742,329 arrivals nga natala niini alang sa unang quarter.
Mas taas kini sa 1.12% karong tuiga diin nakatala na og 749,647 tourist arrivals alang sa unang quarter.
Kadaghanan matud pa niini ang naggaikan sa Estados Unidos, China, Japan, Korea, ug uban pa.
Gumikan niini, giawhag karon sa buhatan ang mga local government units nga magmugna og community-based tourism area sa ilang lugar gumikan sa pagbalik sa nasud isip premier travel destitation human ang pandemic.
Samtang, masaligon sab ang buhatan nga mahimong luwas ang mga bisita sa Davao Region gumikan sa insurgency free niining status.
