DAVAO CITY – Nagpagawas ug pahayag ang Department of Labor and Employment XI mahitungod sa tulo ka nag-viral na mga TUPAD beneficiaries nga nakuhaan sa usa ka video nga nagkuha og litrato ug nag-ilis ug sanina nga daw nanglimpyo sulod sa managlahing adlaw.
Sigun sa ahensya, nagpahigayon ug imbestigasyon ang barangay LGU og DOLE – Davao City Field Office ug nasuta nilang apil ang tulo sa tres syentos ka mga benepisyaryo sa maong programa sa Barangay 3-A, ninng dakbayan.
Nisalmot sab ang tulo sa orientation nga gilusad sa People’s Park niadtong Seytembre 20. Matud pa, gilauman sila nga buhaton nila ang ilang responsibilidad sulod ka kinse ka adlaw sa community service uban ang daily compensation nga anaa sa P427.
Dungag sa buhatan, dili nila tugutan ang bisan unsang klaseng pagpanikas ug pag-abuso sa mga benepisyong gihatag sa mga programa.
Human sa tukmang imbestigasyon ug deliberasyon, awtomatikong tanggal na sa listahan sa makadawat sa ilang pay-out ang mga nahisgutan.
Sa pikas bahin, gipaniguro sa DOLE XI nga hingpit nilang barugan ang ilang gipatumang guidelines atol sa implementasyon sa mga programa ug serbisyo sa buhatan.
via || Bombo LJ Florendo
