DAVAO CITY – Gikaalarma karong panahuna ang nagkadaghan nga mga kaso sa pagpangabuso sa mga bata gamit ang internet sa tibuok Davao Region.
Gikanayon ni Peter John Cabanilla, victim witness coordinator designate sa Department of Justice-Davao, kasagaran sa mga kaso gikalambigit sa mga ginikanan nga nagpugos sa mga bata sa online prostitution isip panginabuhian.
Mas nagataas ang kaso niini ilabi nang dunay work-from-home arrangement sukad nga nag-pandemya aron dali lamang mapahigayon ang online prostitution.
Dugang niini, nagagikan ang mga biktima sa mga pobreng pamilya nga ilabihang naapektuhan sa pandemya.
Sa kasamtangang datos sa DOJ-Davao, dunay walo ka kaso sa sexual exploitation of children diri sa rehiyon nga sakop ang bisan unsang dautang kalihukan online nga gigamit ang mga bata alang sa lawasnong panginahanglan sa bisan kinsang suspetsado, taliwala sa pagtugot sa biktima.
Ginabawal kana ilawom sa Republic Act 11930, known as the kon Anti-Online Sexual Abuse or Exploitation of Children and Anti-Child Sexual Abuse or Exploitation Materials Act.
Posibleng pagamultahan og gikan sa P200,000 hangtud P2 million nga pyansa apan mas musaka pa gikan sa P5 million hangtud P20 million, ilabi na pagkakulong.
Kahinumdumang na-rescue ang duha ka mga bata gikan Davao City ug tulo sa Davao del Norte sa susamang kaso sulod na sa miaging duha ka bulan.
via || Bombo LJ Florendo
