DAVAO CITY – Gibutyag sa usa ka grupo nga pangitaon nila kadtong mga unlicensed real estate brokers.
Gikanayong naalarma ang Philippine Association of Real Estate Boards Inc. (PAREB) sa nagkataas nga ihap sa mga unlicensed land brokers nga illegal sumala pa nga nagapamaligya ug yuta.
Matud pa kang Pareb Vice President for Mindanao Roy C. Rabor, nga ang pagpamaligya sumala pa ug luna sa mga gikanayong “colorum” real estate agent ang naghitak sumala pa karon dinhi sa rehiyon.
Tungod niini gikatakda sumala pa nga molagda ug kasabutan ang PAREB ug Registry of Deeds diin tumong niini nga maaksiyonan gilayon mang problema.
Gawas niini pakusgan sab nila ang ilang kampanya nga ilang gitawag ug YAKAP (Your Anti-Kolorum Advocacy) diin tumong niini nga protektahan ang publiko batok sa mga malimbungon nga transaksiyon nga ginapahigayon sa mga dili lisensiyado nga mga agents.
Matud pa kang Rabor, mayorya sa mga luna o nanag-iya ug propedad ang walay kasayuran sa R.A. 9646 o ang Real Estate Service Act of the Philippines.
Nasayran nga ang PAREB usa ka national real estate service organization sa nasud ug aduna sumala pa kini 300 ka mga miyembro dinhi sa dakbayan sa Davao.
Una ng gitino ni Davao Board of Realtors Foundation, Inc. President Hardinado V. Patnugot Jr. nga ang ilang himuon nga campaign drive wala nagpasabot nga paluyahon ug hadlokon ang mga dili lisensiyado nga mga land agents.
