DAVAO CITY – Gihulat pa karon sa ahensiya sa Department of Education (DepEd) 11 ang report kung nadawat na ba sa mga magtutudlo ang ilang honorarium partikular na kadtong nagsilbi isip Board of elections Inspector (BEI’s) sa milabay nga pili-ay kaniadtong Mayo 13 ning tuig kasamtangan.
Sumala pa kang Atty. Alberto Escobarte, regional director sa DepEd 11 , sa kasamtangan wala pa sila nakadawat ug report kung nakuha na sa kapin 7 mil ka mga magtutudlo ang ilang mga honorarium.
Una ng nasayran sa ahensiya nga gisugdan na ang pagpanghatag ug honorarium sa milabay nga biyernes.
Gibutyag sab sa ahensiya sa Commission on Elections (Comelec) nga kinahanglan madawat sa mga magtutudlo ang ilang honorarium sulod sa 15 ka adlaw human ang gipahigayon nga pinili-ay.
Gitataw sab sa opisyal nga makiglambigit sila sa superintendent kalabot sa maong concern ilabi na nga diretso na nga madawat sa mga magtutudlo ang salapi pinaagi sa ATM ug dili na kini mo-agi sa DepEd.
