DAVAO CITY – Gipasalig sa Department of Education (DepEd)-Davao nga usa ka grupo sa mga personahe gikan sa Davao City Health Office (CHO) ang gimugna aron nga motutok sa pag-andam ug pagkaon alang sa mge delegado sa Palarong Pambansa aron nga malikayan ang posibleng food poisoning.
Sumala pa kang DepEd-Davao spokesperson Jenielito Atillo nga ang mga pagkaon nga gisilbi sa mga atleta ang responsable sa matag delegasyon.
Human ang insidente kaniadtong 2018 diin pipila ka mga student-athletes sa Mati City ang nakasinate ug food poisoning human nga nakakaon ug salin nga pagkaon, ipatuman karon sa organizers ang pipila ka mga sumbanan aron nga malikayan ang susama nga insidente sa Palarong Pambansa.
Gipahimangnoan sa ni Atillo ang mga coaches ug heads sa delegasyon nga gikan sa nagkadaiyang rehiyon nga siguruhon nga anaa sa maayong kondisyon ang panglawas sa mga atleta aron nga malikayan ang bisan unsa man nga casualty.
Gipahimangnoan sab sa DepEd ang mga delgado nga siguruhon ang physical condition sa ilang mga atleta.
Sa higayon sumala pa nga adunay mamatikdan nga dili maayo sa mga atleta, angayan matud pa nga ipahibalo gilayon kini sa mga medical people sa matag delegasyon ug mangayo ug medical assistance gikan sa Central 911 nga naka-posisyon sa mga billeting areas.
