Department of Transportation mangita ug pamaagi nga dili maapektuhan ang ilahang mga proyekto sa sunod nga tuig

Gisiguro sa Department of Transportation nga buhatan nila og pamaagi nga dili maapektuhan ang ilahang mga proyekto tungod sa kakulangan sa budget allocation nila sa mosunod nga tuig.

Sumala kay Trasnportation Undersecretary Timothy John Batan nga kulang ang ilahang naaprubahan nga budget nga 20-billion pesos alang sa 2025.

Posible matud pa nga maapektuhan ang tanan nilang proyekto ug programa apan gisiguro usab sa opisyal nga kini ang ilahang remedyuhan.

Pipila sa mga lakang nga buhaton sa ahensya mao ang pag-tap matud pa sa unprogrammed appropriation sa budget.

Sabay niini, padayon gihapon ang 69 ka mga infra-projects sa Aviation, Maritime, Railway ug Road transportation sector ubos sa administrasyon ni Pangulong Ferdinand ‘Bongbong’ Marcos Jr.