Gitawag sa Department of National Defense (DND) nga “propaganda” ang deklarasyon sa Communist Party of the Philippines–New People’s Army (CPP-NPA) sa upat ka adlaw nga ceasefire nga magsugod alas-12 sa kaadlawon sa Disyembre 25 hangtod alas-11:59 sa gabii sa Enero 1.
Sumala sa DND, bisan pa man sa maong anunsyo, magpadayon gihapon ang mga operasyon militar sa gobyerno karong holiday season. Pasabot niini, magpadayon ang suporta sa Armed Forces of the Philippines (AFP) ngadto sa Philippine National Police (PNP) aron mapadayon ang peace and order sa panahon sa Kapaskuhan.
Samtang, gihangyo sa DND ang mga nahibilin nga miyembro sa CPP-NPA nga mosurender na sa gobyerno ug makig-kooperar aron masugpo ang kapintasan ug matabangan ang pagpabilin sa kalinaw sa nasud.
