DAVAO CITY – Nangandam karon ang Davao City Police Office (DCPO) ugaling adunay mahitabong lihok-protesta atol sa pinaka-unang State of the Nation Address (SONA) ni Pangulong Ferdinand Marcos Jr. karong Hulyo 25, 2022, adlaw nga Lunes.
Sumala sa tigpamaba sa DCPO nga si PMaj. Ma. Teresita Gaspan, adunay ipakatag nga mga sakop sa kapulisan sa Freedom Park atol sa nahisgutang adlaw.
Subling gipahinumdoman niini nga dili na kinahanglan og permit kung ugaling magpahigayon og lihok-protesta sa Freedom Park apan gikinahanglan og permit gikan sa City Government of Davao kung himoon ang maong kalihokan sa ubang lugar.
Nanghangyo sab ang opisyal ngadto sa hingtungdang mga indibidwal nga ipatuman ang pagpugong sa kaugalingon aron dili maapektohan ang publiko ilabi na ang dagan sa trapiko.
Via || Hana Rallos
