DAVAO CITY – Wala sumala pay angayan nga kabalak-an ang mga biyahero nga laomang modagsa sa Davao City Overland Transport Terminal (DCOTT) aron nga mouli sa ilang mga lalawigan dungan sa nagsingabot nga paghinumdom sa kalag-kalag kini tungod gihimo sumala pa sa ahensiya ang tanan aron nga mapatuman lamang ang kahusay ug seguridad.
Una ng gibutyag ni DCOTT manager Aisa Yusop nga nakiglambigit karon ang pamunoan sa terminal ngadto sa uban pang ahensiya sa kagamhanan aron lamang masiguro nga luwas ang mga pasahero karon panahon sa undas.
Adunay mga personahe sab sa kapulisan ug Task Force Davao (TFD) ang anaa sa palibot ingon man sa entrada nga bahin nga mopahigayon ug inspeksiyon sa mga pasahero nga mosulod sa terminal.
Magpakatag sab sumala pa ug mga personahe ang mga sakop sa City Transport and Traffic Management Office (CTTMO) aron nga dili mohuot ang dagan sa trapiko sa may Candelaria St., Maya St. ug Terminal Drive.
Gitataw sab ni Yusop nga hugot sab ang ilang koordinasyon sa Traffic Group, Highway Patrol, Land Transportation Office (LTO), Land Transportation Franchising and Regulatory Board (LTFRB) ingon man CTTMO batok sa mga illegal van nga namasahero ingon man mga kolorum nga mga pampasaherong sakyanan nga delikado alang sa mga pasahero.
