-- ADVERTISEMENT --
Giila sa Regional Intelligence Division sa Police Regional Office (PRO) 11 ang Davao Oriental Police Provincial Office isip top-performing police unit sa rehiyon alang sa Marso 2026.
Base sa Unit Performance Evaluation Rating (UPER) report gikan sa mas taas nga headquarters, ang DOPPO ubos sa pagpanguna ni Provincial Director PCol Ritchie Bucol nakakuha og 83.27 percent nga rating.
Nagpadayon kini sa ilang kusgan nga performance kay tulo na ka sunod-sunod ka bulan nga sila ang highest-ranking unit sa PRO 11.
Ang maong pag-ila nagpakita sa ilaHAng talagsaong operational ug administrative performance sa pagmentinar sa kalinaw, kahapsay, ug kaluwasan sa publiko sa Davao Oriental.
