DAVAO CITY – Gilaumang magpadayon ang pagpanindot sa mga pasilidad ug serbisyo sa Davao International Airport ilawom sa mga pangkalibutanong sumbanan pinaagi sa pagkamugna sa Davao International Airport Authority.
Matud pa sa Civil Aviation Authority of the Philippines kon CAAP, manguna ang DIAA sa pagpatuman ug mga lakang aron masubay ang tugpahanan sa mga gitaganang international standards.
Nagpadayag ug suporta alang niini ang lokal nga panggamhanan sa Davao City ug uban pang ahensya sa gobyerno sama sa Department of Transportation, Department of Justice, Department of Tourism, Department of Health, Department of Finance, ug Department of Agriculture.
Kahinumdumang nagpagawas ug kamanduan si Pangulong Ferdinand Marcos Jr. niadtong Oktubre 27 ngadto sa Davao Regional Development Council ang pag-activate sa DIAA aron makatabang sa pagmugna ug mga programang pang-ekonomiya sa rehiyon. Nahimong balaod ang pagtukod sa maong buhatan niadtong 2019 ilawom sa Republic Act 11457.
via || Bombo LJ Florendo
