Nakasecure na og 24 ka mga bulawang medalya ang Davao Region alang sa nagpadayong Palarong Pambansa 2024.
Subay sa pinakaulahing tally, anaa na sa ika-upat nga pwesto ang Davao Eagles nga adunay 63 na ka medalya diin gilangkuban sa 24 ka gold medals, 18 silver, ug 21 ka mga bronze medals.
Alayon niini, mapasalamaton ang tigpamaba sa DepEd XI nga si Jenielito “Dodong” Atillo alang sa mga nagpadayong ampo sa kadaogan sa mga atleta.
Nidugang sa mga bulawang medalya sila James Vynald Ryle Aquino ug Stephen Fuertes sa Tennis- Doubles Secondary Boys, Aethan Razy Fujita ug Chrisxelyn Familar,Micheal Josh Macalisang, ug Vanessa Orozco sa mga dulang Arnis, lakip na usab si Paolo Miguel Labanon sa 800m Freetyle Secondary Boys.
Kahinumduman nga una nang gitarget sa Davao Eagles ang ika-upat nga pwesto sa Palarong Pambansa ning tuiga human makuha ang ika-unom nga pwesto sa nakalabay nga tuig.
Ning kasamtangan, malaumon si Atillo nga magpadayon ang mga maayong performances nga ginapakita sa Davao Eagles.
