DAVAO CITY – Gipasigarbo sa Davao Eagles ang 22 ka mga bulawang medalya nga nasakmit sa mga delegado sa naghinapos karong adlawa nga Palarong Pambansa 2023 sa Marikina City, Metro Manila.
Nidungag sa maong ihap si Chrisxelyn Familiar gikan Davao City alang sa Arnis Labanan Bantamweight Girls Secondary Category.
Gold medalist sab ang grupo sa Sepak Takraw sa Davao City Division nga gipangunahan nila Stephen Dave Kulayco, Rhyan Dave Mangubat, Justine Keth Celerinos, Karl Cajilig, ug Omar Khalid Aming.
Daog sab og bulawang medalya alang sa Athletics 800 meter category si Carla Neisz Luardo gikan Davao City.
Basketball three by three division champion ang Davao City sa panguna nila Patrick Jaivy Bag-ao, Lord John Kendrick Saberola, Jemuel Ballares, ug Jarred Jesus Yamut;
Maria Jade Fontanilla gikan Davao del Norte alang sa Wresling 56 kg Junior Girls division;
ug ang ika-upat nga bulawang medalya alang sa Swimming 800 M Long Course event ni Paolo Miguel Labanon gikan Davao City.
Ning kasamtangan, nakuha sa Davao Region ang ika-4 nga pwesto sa kasamtangang medal tally diin nag-una ang National Capital Region, Western Visayas ug CALABARZON.
Sa ulahing adlaw sa Palarong Pambansa 2023, usa ka selebrasyon ang dungang sugaton sa tanang nagmalampusong mga atleta pinaagi sa Closing Ceremony sugod karong alas-3 sa hapon, ug Free Concert, Drone show ug Fireworks Display sugod alas-6 sa gabii.
via || Bombo LJF
