DAVAO CITY – Nangayo ug suporta gikan sa pampubliko ug pribadong sektor ang lokal nga panggamhanan sa Davao City alang sa pag-host sa syudad sa Ironman 2023.
Gikanayon ni Davao City Sports Development Division Head Mikey Aportadera, gipinalisa na karon sa City Sports Development Division ug City Tourism Operations Office ang preparasyon alang sa maong sporting event.
Matud pa, nahimong nagmalampusong ang unang pag-host sa dakbayan sa nahisgutang international triathlon event tungod sa suporta sa mga nagkandaiyang sektor lakip na mga kasikbit nga LGUs ug munisipalidad.
Sundon gihapon ang naunang 70.3 kilometer route template nga manukad sa 1.9 kilometer swim gikan Davao Gulf; 90-km bike ride gikan Bajada, Davao City paingon Tagum City ug pabalik sa dakbayan; ug ang 21 kilometer half marathon run gikan Victoria Plaza hangtud Azuela Cove ug pabalik. Samtang obserbahan gihapon ang ipasibaw nga public health guidelines.
Adunay gagmayng kausaban sa programa tungod sa gilaumang pagdagsang sa mga musalmot sa maong kalihukan. Giaghat sab ang mga nasa sektor sa turismo nga ipakita ang world-class hospitality diin giila ang Davao Region.
Bisan pa man sa hagit sa accomodation ug security logistics alang sa maong event, kumpyansa si Aportadera nga mahatag pag-usab sa security cluster sa dakbayan ang nindot nga performance niini sa mga nakalaybayng Ironman events.
Mahitabo ang Ironman 70.3 triathlon race karong Marso 26 karong tuig.
via || Bombo LJF
