DAVAO CITY – Dili sumala pa supak ang Davao City Covid-19 Task Force sa nahimong plano sa City Tourism Operation Office (CTOO) nga magpahigayon ug face to face nga Kadayawan karung tuiga.
Sumala pa kang Dr. Michelle Schlosser, tigpamaba sa Davao City Covid-19 Task Force, walay mamahimong problema sa nahisgutan nga lakang basta kay hugtanon lamang nga matuman ang minimum public health standard arun nga malikayan ang posibleng pagsaka ug balik sa kaso sa Covid-19 sa dakbayan.
Nasabtan sab sumala pa sa opisyal ang nahisgutan nga lakang ilabi na nga kinahanglan maningkamut ang dakbayan arun nga mubaskog ug balik ang ekonomiya nga labing naapektohan sukad nga nagsugod ang pandemiya.
Sa milabay nga duruha ka tuig nga kasaulogan sa kapiyestahan sa siyudad, sagad sa mga event ang gipahigayon lamang pinaagi sa online.
Samtang mihatag sab ug katin-awan ang nahisgutan nga ang mga ipahigayon nga aktibidad ang dili lamang limitado sa mga nakapabakuna inay abli kini sa tanan sanglit walay balaud nga kinahanglan mandato ang usa ka indibidwal nga magpa-bakuna batok covid-19.
