DAVAO CITY – Giinagurahan na sa lokal nga kagamhanan sa Davao City ang pinakabag-ong Davao City Contact Center.
Kini ang bag-ong gambalay nga magdawat sa matag kasayuran ug problema sa dakbayan nga abli 24 oras, adlaw-adlaw.
Nanguna si Davao City Mayor Sebastian Duterte sa inauguration kagahapon nga nagpunting sa pagkamahinungdanon sa kooperasyon sa matag opisina sa dakbayan, ug ang paghatag og katugbang nga solusyon sa matag suliran nga ginadangop sa matag Dabawenyo.
Makatabang ang maong dangupan sa paghatag og paspas nga resolusyon gikan sa nagkalain-laing ahensya ug opisina sa lokal nga kahagamhanan.
Anaa sa 36 ka mga agents ang andam mutubag sa matag tawag nga ginadawat sa hotline nga 235-9999. Mamahimo sab makontak ang Davao City Contact Center sa mga mobile numbers nga 0918- 901 (hangtud 908) -9991.
