Miabot na sa kapin P2 bilyon ang damyos ngadto samga pampubliko nga tulunghaan sa tibuok nasud human sa pag-igo sa Severe Tropical Storm Kristine kung diin mibilin pa kini og dul-an usa ka libo nga pasilidad sa elementarya ug high school nga kinahanglang ayuhon.
Migawas usabsa datos sa Department of Education (DEPED) nga 730 ka mgaeskwelahan ang nadaot gumikan sa pagbaha ug 34 ka mga tulunghaan sa Bicol Regio ang naigo sa pagdahili sa yuta.
Aduna matud pay 863 ang naguba nga klasrum nga nanginahanglan nga ayuhon nga nagkantidad ug P2.1 bilyon ug 1,026 ka mga klasrum ang naginahanglan og major repairs nga nagkantidad usab og P513 milyon.
Nawad-an usab ang mga tulunghaan og 381,551 ka mga materyales sa pag-eskwela lakip na niana ang mga computer ug libro.
Aduna usab 17,575 ka mga school furnitures sama sa lamesa, appliances ug lingkuranan ang nawala ug naguba. Sigon sa DEPED nga sa kinatibuk-an dul-an 43,000 ka mga tulunghaan ug opisina ang na-expose sa bagyo, buot pasabot nga anaa kini sila sa mga lugar kung diin naghatag ma og pahinumdom ang mga otoridad batok sa pagbaha, kusog nga pag-ulan, storm signal ug panawagan alang sa pre-disaster risk assessment.
Sigon sa DEPED nga anaa sa 21.4 milyon ka estudyante ug dul-an 900,000 ka mga magtutudlo ug personahe sa tulunghaan ang anaa usab sa maong mga lugar.
Una na usab gikanayon ni Education Secretary Sonny Angara nga ang DepEd ang aduna nay access sa P2 bilyon hangtod P3 bilyon alang sa calamity funds nga mamahimong gamiton sa pagpa-ayo ug pagrehabilitate sa mga naguba nga klasrum.
