DAVAO CITY – Padayon ang paghatag karun sa gobyerno ug hinabang sa mga kanhi miyembro sa New Peoples Army (NPA) nga mibalik sa sabakan sa kagamhanan.
Kahinumduman nga pipila ka mga rebelde sa Davao del Norte nga mibalik sa sabakan sa kagamhanan ang nakadawat ug panginabuhian ug cash assistance given through Enhanced Comprehensive Local Integration Program (ECLIP) sa gobyerno.
Mismong ang Department of Interior and Local Government (DILG) ang mitunol sa kinatibuk-ang P1.8 million nga tseke ngadto sa 28 ka mga kanhi NPA ug tulo ka Militia ng Bayan members samtang anaa sa P441,000 nga kantidad sa reintegration funds ngadto sa kasundalohan ug police units ang gigahin usab alang sa mga nahisgutan samtang anaa sa pagbag-o sa ilang kinabuhi gikan sa komunistang kalihokan.
Gipangunahan nang maong aktibidad sa pipila ka mga opisyal sa kagamhanan sa Davao del Norte; Major General Nolasco Mempin, commander sa 10th Infantry Division sa Philippine Army; Police Col Antonio Alberio, police provincial director; Provincial Administrator Josie Jean Rabanoz ug DILG Cluster Head Jeanette Palmera.
Aron nga magiyahan ang mga kanhi rebelde, gikanayon ni Director Debie Torres sa DILG National Barangay Operations Office nga makiglambigit lamang ang mga nahisgutan sa local government units kung asa sila nahimutang ilabi na sa mga barangay level.
Gikanayong ang pagbalik sa sabakan sa kagamhanan sa mga rebelde ang solusyonan ang insurhensiya ug makab-ot ang kahusay ug kalinaw.
Mas mulambo na sab sumala pa ang negosyo ug agrikultura sa usa ka lugar nga kanhi gikotahan sa mga rebelde.
