DAVAO CITY – Gikanayong ang sunod-sunod sumala pa nga operasyon sa kapulisan ang hinungdan sa pagsaka sa crime volume sa dakbayan sa unang semana karong bulan sa Hulyo kung itandi sa ulahing semana sa milabay nga Hunyo ning tuig kasamtangan.
Una ng gibutyag ni Police Capt. Ma. Theresita Gaspan, tigpamaba sa Davao City Police Office (DCPO), nga sa milabay July 1-7 anaa sa 64% ang pagsaka sa crime volume o mas taas sa 44% nga natala kaniadtong Hunyo 24-30 ning tuig kasamtangan.
Gipasalig sab karon sa DCPO nga pahugtan pa nila ang ipahigayon nga mga operasyon aron mahipos kadtong mga indibidwal nga sagad malambigit sa mga dautan nga mga binuhatan.
Doblehon sab sumala pa sa kapulisan ang ilang pagpaningkamot aron nga mapahugtan pa ang kampanya sa kagamhanan ilabi na ang pagbatok sa ginadili nga droga.
