DAVAO DEL NORTE- Gipahigayon ang usa ka consultation meeting sa mga Solo Parent sa Panab City alang sa Sustainable Livelihood Program (SLP) Association sa maong syudad.
Atol sa maong kalihukan, mitambong sab ang mga personahe sa Department of Social Welfare and Development (DSWD) ug City Social Welfare and Development Office (CSWDO), kagahapong adlawa sa CMO Function Hall, sa Panabo City Hall.
Tumong sa nahitabong panagtapok, mao ang pagapahibalo sa mga nahisgutan nga naaprubahan na ang gipaabot nga pondo alang sa solo parents nga gikan sa DSWD alang kini sa ilahang umaabot nga livelihood program nga nagkantidad og P375,000.
Kini nga pondo ang ilawom sa programang Seed Capital Fund.
Nasayran nga sa maong pondo, igasto kini sa pagatukuron nga usa ka General Merchandise ug Printing Services nga kini ang gi-konsidera sa Asosasyon nga magsilbing panginabuhi-an kon livelihood program sa mga Solo Parents sa syudad.
