DAVAO CITY – Gimanduan karon sa commission on elections region 11 ang mga kandidato sa nakalabay nga eleksiyon nga isumite na ang ilang statement of contribution and expenditures (SOCE) aron malikay sa posibling administrative sanctions ug walay masiantian nga kakulian sa paglingkod na unya sa mga nakadaug.
Gikanayon ni Atty Gay Enumerable, assistant regional director ug spokesperson, gihatagan lamang ug hangtud sa June 8, 2022 ang mga nakadaug o napildi nga mga kandidato sa nakalabay nga May 9, 2022 local ug national elections nga mosumite sa ilang SOCE sa bisan asa man nga buhatan sa comelec diin sila ang miduso sa ilang certificate of candidacy (COC).
Dugang pa ni Enumerables nga ang mga partido o kandidato nga pakyas nga makasumite ug SOCE ang mag-atubang ug silot administratibo ug posible pa nga mag-atubang ug disqualification case ilabi na niadtong mga nakadaug.
Kini ang gawas pa sa ipahamtang nga mula nga gikan sa usaka lipo ka pesos hangtud sa 30 mil ka pesos.
Subay sa record sa comelec 11, dinhi sa davao region moabot sa 1,444 ang kinahanglannga mag-file sa ilang SOCE, diin 484 niini ang napili nga mga kandidato sa nakalabay nga eleksiyon sa nagkadaiyang lokal nga posisyon.
Sa pikas bahin, gipanawagan sa DILG 11 ang mga nakadaug nga kandidato nga motambong sa seminar sa bulan sa Hunyo sa dili pa sila mag-oath taking ilabi na nga daghang kabag-uhan ang gipatuman.
