-- ADVERTISEMENT --
DAVAO CITY – Masaligon ang City Engineers Office (CEO) nga lig-on ang mga natukod nga mga gambalay sa dakbayan sa Davao ug makasugakod sa moigo nga kusog nga mga linog.
Sumala pa kang CEO Officer In-Charge Joseph Felizarta mi-agi sa ubay-ubay nga mga test ang konstruksyon sa mga gambalay ug nakapasar kini sa higpit nga regulasyon sa building code sa dakbayan sa Davao.
Dugang ni Felizarta nga bisan ang mga dos andanas nga mga gambalay mi-agi sab sa soil test ug structural analysis aron nga dili dayon mahugno.
Nasayran nga niadtong Desyembre 29 gitay-og sa intensity 4 nga linog ang dakbayan sa Davao gumikan sa Magnitude 7.2 nga linog sa sidlakan nga bahin sa Davao Oriental.
