DAVAO CITY – Plano karon sa mga konsehal ning dakbayan nga subling hisgutan ang panawagan nga momugna ug dugang pa nga congressional districts dinhi sa siyudad.
Sumala pa kang Konsehal Danilo Dayanghirang nga kwalipikado na matud pa ang siyudad nga magbaton ug unom ka mga congressional districts.
Gitumbok ni Dayanghirang ang 1.6 million ka mga residente sa siyudad diin ilalom sa balaod mamahimo na nga makamugna ug dugang distrito kung adunay 250,000 inhabitants ang usa ka lugar.
Pabor sab sa maong sugyot ni Majority floor leader J. Melchor Quitain sa first district ilabi na nga ang pinakadako nga populasyon sa siyudad ang unang distrito.
Nasayran nga ang first district adunay populasyon nga katunga sa milyon ka mga residente diin pinakadaghan niini ang Talomo District.
