DAVAO CITY- Mikonhod ang ihap sa mga kaso sa dengue sa dakbayan karung tuiga diin sumala pa City Health Office nga alang sa bulan sa hunyo ning tuig kasamtangan, adunay 2117 confirmed cases sa dengue mas ubos kini kung itandi sa susamang buwan, tuig 2023 nga sumala pa adunay 2876 confirmed cases.
Dugang pa nga duna usab natala as of June 2024 nga 17 deaths diin kasagaran niini anaa sa pangidaron nga 5-9 anyos, santang dunay 5 ka indibidwal niini ang anaa sa pangidaron nga 15 anyos pataas.
Sumala pa, mas ubos kini kung itandi sa tuig 2023 sa susamang buwan nga dunay natalang 27 deaths.
Gibutyag ni Melodina Babante, Coordinator, Tropical Diseases Davao City Health Office nga gipaningkamotan sa maong buhatan nga hugot mabatukan ang dengue cases sa syudad hilabi pa nga ang mga kasikbit nga dapit nagkataas gayud ang dengue cases.
Mas gipahugtan pa sa City Health Office sa Dakbayan ang monitoring ug control sa dengue cases dinhi sa syudad.
Diin matud pa, dunay mga ginahimong strategies ang buhatan alayon sa City Ordinance nga gipirmahan ni Mayor Sebastian Duterte niadtong hulyo 1, ning tuig kasamtangan nga nagpagawas og mandato ngadto sa 182 barangays sa dakbayan nga magmugna og barangay mosquito born task force.
Ning kasamtangan sumala pa, dunay 32 pa ka mga barangay sa dakbayan ang nakamugna og task force.
Samtang sa pikas bahin, duna usab kick off sa simultaneous clean up drive sa dakbayan karung umaabot nga agusto ning tuig kasamtangan.
Dili sumala pa kini pangkaisan gumikan pagahimoun na kini matag bulan, aron mamonitor ang matag barangay sa pagpabiling limpyo aron malikayan nga pugaran sa mga lamok.
