DAVAO REGION- Gikanayon sa Political Analyst nga si Ramon Beleno III nga nahimo nang stratehiya sa China Coast Guard ang magpa- play victim sa matag higayon nga adunay mahitabo sa gina-ilugan karong kadagatan nga West PH Sea.
Kahinumdumang adunay gipagawas nga video ang China diin nag-akusa kini nga gitutukan og armas sa tropa sa PH Coast Guard ang personahe sa China Coast Guard sa bahin sa Ayungin Shoal.
Pagpaklaro pa ni Armed Forces of the PH public affairs Chief Col. Xerxes Trinidad nga wala gitutukan og mga armas apan naka alerto lamang o on guard ang mga tropa sa BRP Sierra Madre tungod sa sungugan nga presensya sa china coast guard duol sa maong military outpost sa maong lugar.
Gipasabot niya nga standard operating procedure sa tropa ang pagpatuman dayon sa heightened alert ug mas mabinantayon sa matag higayon nga adunay mga langyaw nga barko nga moduol sa BRP Sierra madre ug makalapas usab sa safe distance protocol niini.
Sumala pa ni Beleno nga walay igong rason ang PH Coast Guard aron magpatigayon og pagpabuto gawas lamang matud pa og aduna gayud kitay makita nga dili maayong panghitabo.
via/ DMA
