DAVAO CITY – Gipahimangnoan sa Davao City Disaster Risks Reduction Management Office (CDRRMO) ang Department of Public Works and Highways (DPWH) 11 nga magpahimutang ug warning sign sa low-lying area alang sa ilang road widening project.
Tipik lamang kini human ang ulahing insidente diin tulo ka mga indibidwal nga sakay sa taxi ang nalambigit sa insidente diin natumbahan sa dakong kahoy ang sakyanan samtang nagsubay kini sa C.P. Garcia Highway pasado alas dies sa gabii niining milabay nga adlaw hinungdan nga nakaangkon ang mga nahisgutan ug minor injuries.
Sumala pa kang CDRRMO chief Alfredo Baluran nga wala siyay kasayuran nga nagpahimutang ang DPWH ug dike sa portion sa ilang nagpadayon nga road widening project sa Langub Road paingon sa Magtuod Road.
Gikanayon ni Baluran nga gimandoan nila ang project contractor nga kuhaon ang pipila ka mga debris nga mamahimong madala sa kusog nga ulan.
Mihangyo sab sumal pa siya sa DPWH nga magpahimutang ug cement blocks, nga magsilbing barikada aron nga dili sab mababagan ang mga kadalanan.
Una na sab nga gibutyag ni Baluran nga plano nila nga magpahimutang karon ug mga sinages sa siyudad sa mga land slide ug flood prone areas, ingon man tsunami guide diin tudloan ang mga residente kung asa ang evacuation center.
