DAVAO CITY- Ginapa-abot gihapon sa City Administrators Office kon CAO ang counterpart funds sa nasyunal nga panggamhanan aron masugdan na ang Davao City Public Transport Modernization Project kon DCPTMP.
Sumala pa ni Atty. Tristan Dwight Domingo, CAO- Davao Bus Project Manager nga ang P74 billion nga proyekto ang pondohan sa pipila ka tinubdan sama sa Asian Development Bank kon ADB, National Government o ang Department of Transportation kon DOTr ug ang lokal nga panggamhanan.
Sigon pa niini nga 60% ang icover nga project loan sa ABD, 38% sa nasyunal nga panggamhanan ug 2% gikan sa lokal nga panggamhanan.
Pagbutyag pa niini nga base sa timeline og kanus-a maandam ang pondo nga maggikan sa nasyunal nga gobyerno, tuig 2026 pa gayud makita matud pa ang mga bus diin kini na ang pinakasayo og magdepende pa kana sa pagreleae ug lihok sa mao nga pondo.
Sumala pa nga gihatagan na og ‘notice to proceed contracts’ sa Department of Transportation ang China International Water and Electric Corp. kon CWE alang sa unang tulo ka package sa bus project ug joint venture tali sa China Wu Yi Co. alang sa ka upat nga package.
Dugang pa ni Domingo nga aron maprepara ang mga operator sa jeep ug drayber alang sa maong transition, magbuhat ang syudad ug capability- building seminar, diin gibana-banaang adunay 10,000 beneficiaris lakip na ang ilahang mga empleyado ug cooperatiba.
Sigon pa niini nga kinahanglan usab nila nga andaman ang financial, non-financial ug educational assitance alang sa mga anak sa maapektuhan niini aron makasagubang kini sa maong transisyon.
Aduna usab silay pagabuhaton nga training mahitungod sa financial literacy aron makatabang sa pagmanage sa kwarta niini.
Sigon niini nga kinahanglan gayud nga ipasabot kanila nganong hatagan kini sila og kwarta ug gamay nga guidance usab aron dili dayon mahurot ang kwarta.
Dugang pa niini nga ang maong proyekto ang manginahanglan ug 3,000 ka bus drivers nga adunay 1,000 units ug 29 ka ruta nga gibahin sa upat ka ang-ang.
Sigon pa ni Domingo nga kinahangang sabto sa kadaghanan nga ang pinakatumong niining public transportation mao ang mga pasahero, ang convenience ug seguridad usab.
via/ DMA
