DAVAO CITY – Plano sa lokal nga panggamhanan nga gamiton ang kasamtangan nga bypass ug access roads isip bag-ong rota sa mga sakyanan aron nga makunhuran ang paghuot sa dagan sa trapiko ilabi na sa peak hours.
Sumala pa kang konsehal Dante Apostol, committee chair on franchises and public utilities, nga moduso sila ug resolusyon nga mohangyo sa City Transport and Traffic Management Office nga magpahigayon ug pagtuon alang sa pag-abli ug rota sa bypass roads ug uban pang ancillary roads aron nga makunhuran ang mga sakyanan sa mga main roads.
Gitumbok sa opisyal ang mga bypass roads sa Bunawan, Tibungco, Ilang, ug Panacan nga magsilbing rota sa mga public utility vehicles sama sa jeepneys, filcabs (multicabs), ug buses.
Gikanayong aduna nay inisyal nga mga pagtuon nga gipahigayon ang City Planning and Development Office diin girekomenda nila ang paggamit sa nahisgutan nga kadalanan alang sa mass transportation routes.
