Gilauman sa kadaghanan sa mga ekonomista nga mosaka pag-usab ang interest rate sa Bangko Sentral ng Pilipinas sa Agosto 27, 2026 tungod sa padayong taas nga inflation ug kahuyang sa peso.
Sa 15 ka ekonomista nga gisurvey, 11 ang nagtan-aw og 25-basis-point rate hike nga posibleng magdala sa benchmark rate ngadto sa 5 porsyento.
Dugang pa, kung matuman kini, mahimong ikatulong sunod nga rate hike kini sukad Abril ug mokabat sa 75 basis points ang total tightening.
Matod sa mga ekonomista, lakip sa inflation risks ang food ug energy prices, Habagat, pagbaha, posibleng El Niño, wage hikes ug volatility sa oil prices.
Gipunting usab ang kahuyang sa peso, nga bag-ohay lang miabot sa record low nga hapit 62 kada US dollar.
Apan upat ka ekonomista ang naglantaw nga magpabilin sa 4.75 porsyento ang rate tungod sa hinay nga economic growth.
Sa pagkakaron, ang inflation rate sa Pilipinas anaa sa 6.2 porsyento samtang second-quarter GDP growth mikunhod ngadto sa 2.3 porsyento.
