DAVAO CITY – Malampuson sumala pa nga napugngan ang pagkatag bird flu nga una ng natala sa Barangay San Isidro Magsaysay Davao del Sur nga maoy hinungdan nganong gipailalom sa culling ang liboan ka mga itik sa lugar.
Kini ang gipahibalo ni Department of Agriculture (DA) Secretary William Dar dungan sa pagtambong niini sa lalawigan kagahapon.
Gani nahatag na sab sumala pa karun ang tabang financial sa mga nagbuhi ug itik nga apektado sa gipahigayon nga culling.
Gikanayong gawas sa Davao del Sur ug Sultan Kudarat, adunay mga lugar usab sa nasud ang apektado sab sa bird flu hinungdan nga gitambagan ni Dar ang mga LGUs nga kung adunay matala nga susamang kaso sa lugar kinahanglan nga mohimo gilayon ug mga lakang arun nga mapugngan ang pagkaylap niini ug dili na mutabok sa lain nga lugar.
Hinuon padayon sumala pa karon ang DA sa pagpahigayon ug mga lakang aron nga dili na mugrabe ang kaso sa bird flu sa nasud nga mamahimong makaapekto sab sa panglawas sa mga tawo.
