DAVAO CITY – Nakadayeg si Department of Education Secretary Leonor Briones sa mga pasilidad alang sa Davao City Sports Complex nga nahimimutang sa UP Sports Complex Mintal, ning dakbayan sa Davao.
Kahinumduman nga aprobado na sa Dep Ed National Office ang billeting quarters alang sa mga atleta sa Palarong Pambansa diin nanguna si Secretary Briones sa inspeksyon kalakip na ang nagpadayon nga nga construction sa UP Sports Complex sa Bago Oshero.
Nasayran nga mokabat sa kinatibuk-ang kinse mil ka mga atleta ang mogamit sa billeting area ug sa playing facilities.
Kauban ni Briones sa nahisgutan nga inspeksyon ang representante sa Philippine Sports Commission.
Sa kasamtangan magamit na ang mga pasilidad alang sa ball games ug chess. Mamahimo na sab nga madaganan sa mga atleta ang track and field gumikan kay rubberized na kini.
Wala pa natiwas ang construction sa swimming pool gumikan kay wala pa kini nabutangan ug tiles.
Gisugdan pa lamang sab ang pagtukod sa mga bleachers.
Gipanaad sa contractors nga matapus na kini sa dili pa ang Palarong Pambansa 2019 nga ipahigayon sa mga duha ka semana gikan karon.
“We are confident that all of this facilities will be ready as provided. Davao was challenge to deliver this structures in one year’s time, bigger than one year. This one is very much perfect than the one in UP Deliman.” Wika ni Dep Ed Secretary Leonor Briones.
