DAVAO CITY – Magpadayon sumala pa ang Fishery Management and Regulatory Enforcement Division – EIC sa Bureau of Fisheries and Aquatic Resources (BFAR) 11 sa ilang gipahigayon nga information ug awareness campaign aron nga ipahibalo sa publiko nga nagsugod na ang closed fishing season.
Sumala sa BFAR nga nakiglambigit sila karon sa mga kooperasyon alang sa proteksiyon ug conservation sa Davao Gulf.
Kahinumduman nga sugod sa Hunyo 1 gisugdan sa BFAR ang closed fishing season sa Davao Gulf diin mamahimong tugtan ang mga dagkong bangka nga panagatan nga makapangisda aron nga mahatagan ug kahigayon nga makapangitlog ang mga isda.
Gikanayong matag tuig kini nga ginapahigayon sa ahensiya aron nga taas tsansa sa survival rate sa mga isda atol sa spawning period. Karung tuiga, ang closed fishing season matapos hangtud Aug. 31, 2019.
Sa nahisgutan nga panahon, gidili sa BFAR XI ang commercial fishing sa small pelagic fishes o mas naila nga karabalyas, galunggong, matang baka ug daghanan pa sa Davao Gulf. Ang mga makalapas mamahimong pamultahon ug P20,000 o tulo ka pilo sa kantidad sa ilang nakuha.
Sa mga commercial fishing, multa nga P100,000 hangtud P500,000 ang ipahamtang nga multa o lima ka pilo sa kantidad nga ilang nakuha ug mamahimong mabilanggo sulod sa unom ka bulan ug usa ka adlaw hangtud na sa unom ka tuig.
Sa kasamtangan, nagmugna na ang BFAR ug technical working group sa Davao Gulf closed season nga maoy magpatuman sa mga direktiba ingon man pagmonitor sa area.
