Adunay gamay nga pagsaka sa kusog sa bagyong Verbena ug kini anaa na sa duol sa Inabanga, Bohol.
Sumala sa Philippine Atmospheric, Geophysical and Astronomical Services Administration (PAGASA), ang sentro sa bagyo anaa duol sa nasampit nga lugar nga adunay hangin nga 55 kilometers per hour ug paghaguros nga moabot sa 90 kph.
Nakasaka karon ang typhoon signal number 1 sa mga lugar sa Luzon sama sa: Occidental Mindoro, Oriental Mindoro, Romblon; Araceli, Taytay, El Nido, Dumaran, Roxas, San Vicente, Puerto Princesa City sa Palawan lakip na ang Calamian, Cuyo, ug Cagayancillo Islands; Balud, Mandaon, Milagros, Cawayan, Placer, Pio V. Corpuz, Esperanza, Uson, Dimasalang, City of Masbate, Mobo, Palanas, Aroroy, Cataingan, Baleno sa Masbate. Sa Visayas, signal number 1 usab ang gisaka sa Antique, Aklan, Capiz, Iloilo, Guimaras, Negros Occidental, Negros Oriental, Siquijor, Cebu, Bohol, Samar, Eastern Samar, Biliran, Leyte, ug Southern Leyte.
Samtang sa Mindanao, nakasaka ang signal sa mga lugar nga Dinagat Islands, Surigao del Norte, Surigao del Sur, Agusan del Norte, Agusan del Sur, Camiguin, Misamis Oriental; Baungon, Libona, Manolo Fortich, Sumilao, Impasug-Ong, City of Malaybalay, Malitbog, Cabanglasan sa Bukidnon; Sapang Dalaga, Calamba, Baliangao, Plaridel, Lopez Jaena, Oroquieta City, Aloran, Panaon, Jimenez, Concepcion sa Misamis Occidental; Jose Dalman, Manukan, Pres. Manuel A. Roxas, Katipunan, Dipolog City, Polanco, Piñan, Dapitan City, La Libertad, Sibutad, Rizal, Mutia sa Zamboanga del Norte.
Human sa pag-landfall sa Jagna, Bohol alas 11:10 kagabii, ang bagyo mopadayon sa Visayas ug Palawan dayon mopadulong kini sa West Philippine Sea sa buntag sa Nobyembre 26.
Gilauman nga makagawas na sa nasud ang bagyong Verbena sa sayo sa bunta Huwebes, Nobyembre 27.
Gipahimangnuan gihapon sa hingtungdan nga ahensya ang katawhan sa posibilidad sa ulan nga dala sa maong bagyo.
Nasayran nga una na nga naglandfall ang Bagyong Verbena sa Bayabas, Surigao Del Sur kagahapon sa hapon.
