DAVAO CITY – Malampusong nahimugso ang usa ka batang babaye sa sakyanan sa Juliville, Tigatto ning syudad sa Davao, human gitabangan sa mga personahe sa Mandug Police Station.
Bandang alas-dos y medya sa hapon kagahapon, gipara sa amahan sa bata nga si Arjohn Vallejo ang mobile sa Mandug Police Station nga gipangunahan ni Police Staff Sargent Odessa Manlupig padulong sa Davao City Police Office alang sa send off ceremony sa kalag-kalag.
Sa dihang naabtan sa pagpanganak ang iyang asawa nga si Manilyn Sulla usa maabot sa balay tambalanan.
Gikan pa ang magtiayon sa Sta. Maria Fatima, Paquibato, Davao City.
via || Bombo LJ Florendo
Dagko karon ang pasalamat sa magtiayon sa kapulisan sa luwas nga pagpanganak taliwala sa lisud niini nga kahimtang.
Kasamtangang nagpa-alim ang mag-inahan sa Southern Philippines Medical Center.
via || Bombo LJ Florendo
