DAVAO CITY- Nailhan na ang usa ka babaeng naligsan sa usa ka truck sa tibungco ning syudad kagahapon sa hapon. Subay sa report sa Bunawan PNP, adunay kaipon nga mipatim-aw sa kapulisan kabahin sa nahitabo ug gikumpirma niini nga ang biktima ang giila nga si Tessie Broa Encio, 53 anyos, usa ka vendor,nga residente sa Block-3 Lot-28 Quarts st. Cristal Meadows Sasa, ning syudad sa Davao.
Una ng mipatim-aw ang kaipon sa biktima nga si Rodolfo Balante Pausta, pasado alas dies ang takna kagabii sa kapulisan aron nga ikumpira ang panagalan sa biktima.
Sa gihimong imbistigasyon sa traffic police, pasado alas kuatro ang takna kagahapon sa hapon nahitabo ang pagkabangga sa biktima atubangan sa Pharmacia Eva duol sa Public Market sa Brgy. Tibungco ning dakbayan nga usa ka SinoTruk Howo Tractor ang gimaneho ni Reynold Rebuelta Algopera, 32 -anyos nga taga Prk.6-A Buhisan, Brgy. Tibungco ning dakbayan sa Davao.
Sumala pa sa nakasaksi nga anaa sa inner lane ang truck ug kalit lang nga nabanggaan ang biktima nga mitabok sa dalan nga miagi sa pdestrian lane, wala gilayon kini nabantayan sa drayber nga maoy hinungdan nga nalatayan pa kini sa ligid sa truck hinungdan sa iyahang pagka-angol.
Rason sa dryber nga wala niini nabantayan ang biktima gumikan sumala pa sa ubay-ubay ang nanabok niadtong tungura. Dali kining girespondehan sa TRABMOC RESPONDER ug gidala sa Southern Philippine Medical Center (SPMC) apan gideklara na kining patay ang biktima.
Samtang sa karon ang drayber ang anaa na sa kostudiya sa abunawan PNP ug posibleng mag-tubang kini ug kasong Reckless Imprudence Resulting in Homicide kung walay mahitabo nga ariglo sa bahin sa biktima ug sa drayber.
via// DMA
