Posibleng ipagawas sa International Criminal Court kon ICC ang arrest warrant alang sa mga responsable sa duguon nga drug war sa milabayng administrasyon.
Kampante si ICC Assistant Counsel Kristina COnti nga mapagawas na karong tuiga ang mga warrant alang sa mga responsable sa droga.
Ang nag-unang porblema lamang matud pa mao ang pagsilbi ug implementasyon sa mga warrant tungod kay nakadepende lamang ang ICC sa gobyerno sa nasud aron kini ang mahitabo.
Matud pa niini nga posibleng mapagawas ang mga warrant batok sa pipila ka indibidual bisan pa man nga nagapadayon gihapon ang imbestigasyon niini sa international body.
Sa bahin sa ICC, ginapangandaman na nila ang ginabuhat nga trial tungod dri mosulod ang mas bug-at nga papel sa ahensya.
Kauban na niini ang presentasyon sa mga ebidensya arong pamatud-an ang mga indibidual nga responsable sa drug war nga tinuod nga nakasala.
Kahinumdumang, nag-unang international issue ang kampanya sa milabayng administrasyon ni kanhing Pangulong Rodrigo Roa DUterte batok sa iligal nga droga tungod kay mipatay kini og libuan ka mga kinabuhi.
Lakip sa mga nagpatuman sa duguon nga kampanya matud pa mao si Senator Ronald Bato De a Rosa nga maoy milingkod isip PNP Chief pagdaog ni Duterte.
Una na usab nga mikalas o gibawi sa Pilipnas ang membership niini sa Rome Statute niadtong Marso 2018 ug gi-insister niadto sa kanhing pangulo nga wala nay katungod ug gahum ang ICC aron imbestigahang ang duguon nga drug war.
Sa bahin ni PBBM, una na niining gibarugan nga walay hurisdiksyon ang ICC sa Pilipinas.
