DAVAO CITY – Nanlimbasog nga subling mahibalik sa normal ang panginabuhi sa mga residente nga unang milalin gumikan sa natigayon nga panagsangka tali sa 3rd Infantry Battalion Philippine army ug mga rebeldeng NPA sa sitio Mountainside, Suwawan, Marilog, ning dakbayan sa Davao.
Kini human nga naka-uli na sa ilang tagsa-tagsa ka mga pin oy-anan ang mga residdente hum an miulbo ang panagsangka sa kasundalohan ug mga rebeldeng NPA niining milabay nga Sabado ug kagahapong adlawa, diin usa ka rebeldeng NPA ang gika-ingong nakuha gikan sa dapit.
Sumala pa kang Barangay Kapitan Loreto Amoy nga daghanan pa gihapon ang mga residente nga kurat-kuratan pa. Gipapauli ang mga bakwit sa dihang nasuta nga wala na’y hulga sa ilang kinabuhi sa barangay.
Padayon pa nga giila sa mga tinugyanan sa balaod kung kinsa ang napatay nga rebelde.
Nasayran nga lima ka mga sitio ang nangalisang sa boto-boto sa armas nga gilakipan sa Sitio Unapan, Mountainside, Mansalerok, Mama-on, ug Bahiyangon.
Dali nga nakahatag ug suporta ngadto sa mga nabiktima sa gubat ang City Social services and Development Office.
