DAVAO CITY – Gikumperma sa Philippine Eagle Foundation nga nakaplagan na lamang nga wala nay kinabuhi ang bag-ong nahimugso nga Agila sa butanganan niini sa Barangay Malagos, Calinan district ning dakbayan sa Davao pipila ka adlaw na ang nakalabay.
Nasayran nga gi-ataki sa usa ka sawa ang gamay nga agila subay sa pag-review nila sa CCTV ug kini ang nahitabo alas-12:13 sa kadlawon.
Nakahimo sa pagsulod ang bitin sa butanganan sa agila samtang anaa kini sa pagpahulay. Gumikan sa nahisgutang panghitabo, gipaningkamutan karon sa mga personahe sa Phillipine Eagle Foundation nga madakpan ang nahisgutang sawa nga anaa lamang kini sa ilahang pasilidad.
Nasayran nga ang agila nga chick no. 29 ang nahimugso kini niadtong bulan sa Decembre sa nakalabay nga tuig ug ika-29 kini nga Philippine Eagle chick sa Philippine Eagle center.
Gipatuman karon ang preventive measures aron dili na masubli pa ang nahisgutang panghitabo.
