DAVAO CITY – Posible gihapong masinati sa Davao de Oro ug mga kasikbit nga lawak ang aftershock sulod sa pipila ka mga adlaw o simana human sa natalang pagtay-og sa mga episentro sa probinsya.
Sigon sa impormasyon nga gipagula sa Philippine Institute of Volcanology and Seismology kon PHIVOLCS, nahitabo ang mga pag tay-og ilawom sa yuta busa gikahadlukan ang posibilidad nga magka-tsunami.
Apan, mamatikdan sab ang mga localized sea-level disturbances nga resulta sa nagpahinabong paglihok-lihok sa yuta duol sa mga baybayon.
Nagpaniid gihapon sa tanang kalihukan sa kadagatan ang sea-level monitoring station sa Mati, Davao Oriental isip kabahin sa local tsunami warning system sa PHIVOLCS.
Dugang pa nga ang probinsya, usa sa seismically active regions dinhi sa nasud tungod sa presensya sa mga active faults nga gilangkuban sa East Compostela Valley, West Compostela Valley, Central Compostela Valley, Nabunturan; Caraga River ug Mati Segments sa Philippine Fault; ug Central Mindanao Fault.
Natala sa ahensya kaniadtong Lunes ang serye sa mga paglinog nga anaa sa 4.9 ug 5.3 nga magnitude nga nasinati sa halos tibuok Davao region.
Nagpahimangno gihapon ang buhatan nga dili kalimtan ang pagpahigayon og drop, cover, and hold procedures aron panalipdan ang kaugalingon panahon sa linog.
via || Bombo LJF
