Nagtuo ang Association of Boxing Alliances in the Philippines (ABAP) nga makauli ug bulawang medalya ang mga boksingero sa nasud nga mosalmot sa Paris Olympics.
Gibutyag sa ABAP secretary-general nga si Marcus Manalo nga sa lima ka mga boksingero nga nga mosalmot sa 2024 Paris Olympics adunay dakong tsansa nga makab-ot sa Pilipinas ang unang bulawang medalya niini sa boxing.
Kahinumduman nga ang boxing maoy nagdala ug daghang medalya sa Olympics kung diin miabot sa walo nga gilangkuban sa upat ka mga silver ug upat nga bronze.
Gipasigarbo pa ni Manalo ang mga boksingero sa nsud nga adunay saktong katakos tungod miagi kini ug saktong pagbansay.
Nasayran nga napili nga mosalmot sa Paris Olympics sa bulan sa Hulyo mao sila Tokyo silver medalists Carlo Paalam sa men’s 57kg ug Nesthy Petecio sa women’s 57kg, bronze medalist Eumir Marcial (men’s 80kg), ingon man ang mga first timer Olympians nga sila Hergie Bacyadan sa women’s 75kg ug Aira Villegas alang sa women’s 50kg.
