Nakadakop ang mga sakop sa Davao City Police Office o DCPO sa usa ka suspek sa giingong pagdasmag sa Matina Crossing, Davao City, pasado alas 10 sa gabii niadtong Oktubre 18, 2026.
Sumala sa inisyal nga imbestigasyon, naghulat og pampublikong jeepney ang biktima dihang giingong gidasmag sa suspek ang iyang sling bag nga adunay cellphone, kwarta ug mga identification card.
Nangayo og tabang ang biktima sa mga tawo nga anaa sa palibot, nga nakapugong sa suspek sa pag-ikyas ug nagpugong kaniya hangtod miabot ang mga pulis.
Gidala dayon sa kapulisan ang suspek ngadto sa police station alang sa hustong dokumentasyon, samtang narekober ang mga gamit sa biktima. Gisang-at usab ang katugbang nga reklamo pinaagi sa inquest proceedings.
Gipasiugda sa DCPO ang pagpadayon sa ilang police visibility ug dali nga pagresponde sa mga insidente aron mapanalipdan ang publiko ug mapadayon ang kalinaw ug kahusay sa siyudad.











