-- ADVERTISEMENT --

Nagpadangat og pakigduyog sa kasubo si Vice President Sara Duterte sa pamilya sa kanhing PBA player nga si PJ Simon pinaagi sa pagpadala og bulak isip pagpahinumdom sa namatay nga basketbolista.

Nasayran nga namatay si Simon sa edad nga 46-anyos niadtong Biyernes, Nobyembre 20, 2026, human gikatahong giatake sa kasingkasing samtang nagdula og basketball sa Goldstar Gym sa Obrero, Davao City.

Gidala pa siya sa San Pedro Hospital aron matambalan, apan wala na matabang ug gideklarang namatay.Kahinumduman nga natawo si Simon sa Makilala, Cotabato niadtong Hunyo 1, 1980, ug nailhan isip kanhing magdudula sa Philippine Basketball Association (PBA).

Ang iyang kalit nga pagkamatay nagbilin og kasubo sa iyang pamilya ug mga kaila, ilabina sa mga nahimong kauban ug nakaila kaniya sulod sa kalibotan sa basketball.

Sa pagkakaron, wala pay dugang detalye nga gipadayag kalabot sa eksaktong hinungdan sa iyang pagkamatay gawas sa unang mga taho nga posibleng atake sa kasingkasing.

-- ADVERTISEMENT --