Mipasalig si United States President Donald Trump nga andam siyang motabang sa Pilipinas ug ubang nasud sa Southeast Asia kon makasinati og mga problema, ilabi na sa mga butang nga may kalabotan sa seguridad ug kooperasyon.
Gipahayag kini ni Trump atol sa ASEAN-US Special Summit sa Manila, diin iyang gipasiugda ang lig-on nga relasyon sa Estados Unidos ug sa mga kaalyadong nasud, ilabi na ang Pilipinas.
Matud pa ni Trump, mahimo siyang direktang tawagan sa mga lider sa ASEAN kon adunay problema nga nagkinahanglan sa iyang pagtagad, ug personal usab niyang tubagon ang ilang mga tawag kung dili motubag ang ubang opisyal sa Estados Unidos.
Samtang, giawhag usab ni Trump ang mga lider sa ASEAN nga palambuon ang produksyon sa critical minerals, rare earths, ug magnets nga giila niyang adunay dakong potensyal sa ekonomiya.
Gipasiugda usab sa US President ang pagpangulo sa Estados Unidos sa artificial intelligence ug ang kahanduraw niini nga makigtambayayong sa mga nasud sa ASEAN alang sa pagpalambo sa teknolohiya ug ekonomiya.











