Gilauman nga dako og ikatabang sa mga mag-uuma ang pormal nga paghatag sa modernong Rice Processing System II (RPS II) ngadto sa Talabutab Norte Primary Multipurpose Cooperative.
Matod sa report, kapin sa 11,000 ka mag-uuma gikan sa maong lugar ug sa kasikbit nga mga lungsod ang direktang makabenepisyo niini nga proyekto aron mapaspas ug mapaayo ang pagproseso sa ilang mga ani.
Gilauman nga momenos og P2 hangtod P3 kada kilo ang gasto sa produksyon pinaagi sa maong pasilidad, nga maghatag og oportunidad alang sa mas dako nga kita sa mga mag-uuma.
Dugang niini, dako usab ang ikatabang sa pasilidad sa pagpakunhod sa postharvest losses o mga lugi human sa pag-ani aron masiguro ang mas taas nga kalidad sa bugas ug lig-on nga panginabuhian sa mga mag-uuma.
