Nakapauli na sa Pilipinas ang dugang 117 ka Overseas Filipino Workers o OFWs gikan sa Saudi Arabia, taliwala sa sunod-sunod nga pag-atake sa maong nasod.
Sumala sa Department of Migrant Workers o DMW, miabot ang mga OFW sa Ninoy Aquino International Airport o NAIA Terminal 3 niadtong Domingo, Oktubre 25, pinaagi sa koordinasyon sa DMW ug Overseas Workers Welfare Administration o OWWA.
Kabahin ang ilang repatriation sa Saving Lives component sa Unified Package for Livelihoods, Industry, Food, Transport o UPLIFT initiative sa gobyerno, subay sa direktiba ni Presidente Ferdinand Marcos Jr.
Gihatagan usab ang mga nakapauling OFW og medikal ug pinansiyal nga tabang, lakip ang temporaryong kapuy-an ug transportasyon paingon sa ilang tagsa-tagsa ka probinsya.
Sa kinatibuk-an, mikabat na sa 383 ka OFW ug ilang mga dependent ang napapauli sa Pilipinas gikan Oktubre 19 hangtod Oktubre 25, base sa datos sa DMW ug OWWA.
Samtang, gipaabot usab ang pag-abot sa laing 39 ka OFW gikan sa Saudi Arabia karong Lunes sa gabii, Oktubre 26.
